नम्र होणे, श्रद्धेने दृढ होणे व सतत श्रद्धेच्या प्रार्थना कराव्या : लूरडस डानियल महागुरुस्वामी

परमेश्वराने जे वचन दिले होते की, मी तुम्हाला एक तारणारा पाठवीत आहे. ते पूर्ण झाले आहे. म्हणूनच आपण देवाचे आभार मानू या. परमेश्वराने आपला एकुलता एक पुत्र या जगात पाठविण्यासाठी मरिया तिला पहिल्यापासून जन्मापासून निष्कलंक व पवित्र ठेवले. कारण ती प्रभू येशू ख्रिस्ताची आई होणार आहे. म्हणजे देवाची आई होणार आहे. आजच्या शुभवर्तमानात ऐकले आहे आमच्याजवळ देव आहे. नेहमी व आजच्या बिकट परिस्थितीत सुद्धा देव आहे. ज्या देवाने मनुष्याला प्रेमाने निर्माण केले आहे. तो देव आपल्याच लोकांना मरताना पाहू शकत नाही. ज्या मागे हेतू काय आहे, योजना काय आहे, हे आपल्याला माहित नाही. आपण ख्रिस्ती आहोत म्हणून देवाच्या कृपेने जे काय आपल्या जीवनात घडत आहे, आपण फक्त त्याकडे पाहत नाही. त्यापलीकडे पाहतो देव क्रूर होऊ शकत नाही. देव फक्त प्रेम आहे. जे काय पाहतो ते असहाय आहे.