कैलास पवार यांचे महाराष्ट्रभरातील सामाजिक कार्य गौरवास्पद- अभिनेत्री निवेदिता जोशी/सराफ

श्रीरामपूर | बाबासाहेब चेडे : भूमी फाउंडेशन महाराष्ट्र राज्य सामाजिक संस्था ही गेल्या अनेक वर्षापासून सुप्रसिद्ध सिने अभिनेत्री अलकाताई कुबल यांची प्रेरणा व मार्गदर्शनातून तसेच आदर्श तरुण समाजसेवक संस्थापक अध्यक्ष कैलासजी पवार आणि पदाधिकारी यांच्या सातत्यपूर्ण प्रयत्नातून महाराष्ट्रभर शैक्षणिक, सामाजिक आणि ग्रामीण भाग, शेतकरी, पाणी, विधवा निराधार महिला, अनाथ मुले, निराधार वृद्ध, तृतीयपंथी समाज, कोरोना काळात अत्यावश्यक लोकांना मदत तसेच विविध आपत्तीच्या काळात देखील राज्यभर असंख्य ठिकाणी उल्लेखनीय कार्य संस्था करत आलेली आहे. हे कार्य खरंच वाखाणण्याजोग आहे, असे प्रतिपादन सुप्रसिद्ध सिने अभिनेत्री निवेदिता ताई जोशी ह्या पुण्यात बालगंधर्व येथे आल्या असता केले. त्याचबरोबर कैलास पवार हे महाराष्ट्रभर करत असलेल्या सामाजिक कार्याला समाजातून मोठ्या प्रमाणात सहकार्य लाभले पाहिजे असे सांगून पुढील कार्याला नेहमी सहकार्य करण्याची भावना व्यक्त केली.