भाऊबंदकीच्या वादातून मुसमाडे वस्ती शाळेचा बंद झालेला रस्ता सुरु झाल्याने विद्यार्थ्यांच्या चेहऱ्यावर आनंद बहरला

देवळाली प्रवरा /प्रतिनिधी : येथिल मुसमाडे वस्तीवरील जिल्हा परीषदेच्या शाळेचा अडविलेला रस्ता वहिवाटीस मोकळा करुन नगराध्यक्ष सत्यजित कदम यांनी मार्ग काढल्याने मंगळवारी शाळा भरल्या नंतर चिमुकल्यांच्या चेहऱ्यावरचा आनंद ओसडून वाहत होता. सोमवारी राञी उशिरा पर्यंत बैठक चालू होती. या बैठकीत रस्त्याचा प्रश्न सुटे पर्यंत रस्ता चालू ठेवण्याचा निर्णय दोन्ही भाऊबंदकीने नगराध्यक्ष कदम यांना आश्वासन दिले. अखेर कोरोना महामारीत दोन वर्षा पासुन बंद असलेली शाळा सुरु झाल्याने पालकांसह विद्यार्थ्यांच्या चेहऱ्यावर आनंद दिसत होता.

नगराध्यक्ष सत्यजीत कदम यांनी सदर ठिकाणी सोमवारी सायंकाळी प्रत्यक्ष पाहणी केली. भाऊबंदकीच्या वादातील दोन्ही कुटुंबाचे नगराध्यक्ष कदम यांनी म्हणणे ऐकून घेतले. राञी उशिरा पर्यंत हि बैठक चालू होती. दोन्ही बाजुच्या तक्रारी समजावून घेतल्या नंतर सर्वानुमते त्यावर निर्णय घेण्यात आला की, दोन्ही गटांची मोजणी प्रकिया करून सामाईक बांधावरून रस्ता काढण्याचा निर्णय घेण्यात आला. त्यास दोन्ही मुसमाडे कुटुंबाने संमती दर्शविली आहे. या बैठकीस माजी उपनगराध्यक्ष तथा नगरसेवक प्रकाश संसारे, भीमराज मुसमाडे, माजी नगरसेवक अमोल कदम, डॉ.संदीप मुसमाडे व संतप्त पालक उपस्थित होते. तूर्तास सदरचा रस्ता वाहतुकीसाठी सुरू करण्यात आला आसल्याने चिमुकल्यांना पुन्हा शाळेचा आनंद मिळणार असल्याचे त्यांच्या बोलक्या चेहऱ्यावरुन दिसत होते. मंगळवारी नियमित प्रमाणे शाळा सुरु झाल्याने पालकांसह विद्यार्थ्यांच्या चेहऱ्यावर आनंद ओसडून वाहत होता.