प्रहार दिव्यांग संघटनेकडून औषध उपचारासाठी आर्थिक व जीवनावश्यक किराणा किटची मदत

राहुरी प्रतिनिधी : 15 ऑगस्ट स्वातंत्र्य दिनानिमित्त नामदार राज्यमंत्री बच्चूभाऊ कडू यांच्या मार्गदर्शनाखाली “जे का रंजले गांजले त्यास म्हणू जे आपले! तोच साधू ओळखावा देव तेथेची जाणावा” या संत तुकाराम महाराजांच्या उक्तीप्रमाणे राहुरी तालुक्यातील गोटुंबे आखाडा येथील दिव्यांग दांपत्य अरुण पटारे यांना ब्लड कॅन्सर झाल्यामुळे ऑपरेशन करावे लागले. त्यांचा आर्थिक खर्च त्यांची दिव्यांग पत्नी आशा पटारे यांना गळ्यातील मंगळसूत्र मोडून करावा लागला. परिस्थिती खूपच हलाखीची, छोटीशी पान टपरी चालू परंतु कोरोना महामारीमुळे बंद पडली. त्यांच्यावर उपासमारीची वेळ आली. त्यात आजारपणाचा खर्च करणे कठीण झाले. प्रहार दिव्यांग संघटनेकडून त्यांना फुल ना फुलाची पाकळी म्हणून औषध उपचारासाठी दहा हजार रुपये आर्थिक मदत व जीवनावश्यक किराणा किट देण्यात आली.