श्रीरामपूर | बाबासाहेब चेडे : येथील जेष्ठ नागरिक संघटनेचे अध्यक्ष लक्ष्मणराव जगन्नाथ निकम यांनी विविध सामाजिक, शैक्षणिक, समाज संघटक कार्य केल्याने त्यांची दखल अखिल भारतीय धोबी महासंघाने घेतली असून निकम यांना राष्ट्रीय स्तरावर राष्ट्रीय वरिष्ठ उपाध्यक्ष एकनाथराव बोरसे दिल्ली यांनी राष्ट्रीय समाजभूषण पुरस्कार जाहीर केला आहे.
हा पुरस्कार दि. १४ एप्रिल रोजी डॉ बाबासाहेब आंबेडकर जयंतीदिनी सकाळी ११ वाजता अखिल भारतीय धोबी महासंघाचे राष्ट्रीय अध्यक्ष कृष्णकुमार कनोजिया व राष्ट्रीय नेते मार्गदर्शक राजेन्द्रशेठ आहेर यांच्या हस्ते हनुमान मंदिर ट्रस्ट राव तलाव भाईंदर जि.ठाणे येथे प्रदान करण्यात येणार आहे.
पुरस्कार जाहीर झाल्याबद्दल मा.प्राचार्य टी ई शेळके, मा.प्राचार्य व जेष्ठ नागरिक संघटनेचे शंकरराव अनारसे, मा.प्रहरी शंकरराव गागरे, प्रकाश कुलथे, प्रा शिवाजीराव बारगळ, डॉ बाबुराव उपाध्ये, सुकदेव सुकळे, प्रा कैलास पवार, बी आर चेडे, भीमराज बागुल आदींसह विविध क्षेत्रातील मान्यवरांनी अभिनंदन केले आहे.
