डॉ.शिवाजी काळे यांच्या ‘गावकुसातल्या गोष्टी ‘ला संत नामदेव राष्ट्रीय पुरस्कार घोषित

अहमदनगर येथील सुनील गोसावी यांच्या ‘शब्दगन्ध प्रकाशन’ तर्फे प्रकाशित झालेल्या डॉ. शिवाजी काळे यांच्या ‘गावकुसातल्या गोष्टी ‘ या कथासंग्रहास या अगोदर लेविन भोसले यांच्या प्रकाश किरण प्रतिष्ठान, श्रीरामपूर, भुदरगड येथील अक्षरसागर प्रतिष्ठान, चंद्रपूर येथील डॉ. अनंता सूर यांचा शब्दांगण साहित्य पुरस्कार, खंडाळा येथील संतकवी एकनाथ डांगे यांच्या अक्षर साहित्य प्रबोधन मंच असे पुरस्कार प्राप्त झालेले आहेत.

हिंगोली येथील शिवाजी महाविद्यालयातील, मराठी विभाग प्रमुख प्रा. डॉ. श्रीराम कऱ्हाळे यांनी नुकतेच विविध ग्रँथाना राष्ट्रीय पुरस्कार घोषित केले आहेत. त्यामध्ये डॉ. शिवाजी काळे यांच्या ‘गावकुसातल्या गोष्टी ‘ला संत नामदेव कथा साहित्य पुरस्कार घोषित झाला आहे. डॉ. शिवाजी काळे हे रयत शिक्षण संस्थेच्या राहाता येथील शारदा ज्युनिअर कॉलेजमध्ये प्राध्यापक म्हणून कार्यरत आहेत. श्रीरामपूर येथील मुळा प्रवरा वीज संस्थेत त्यांनी 1991 ते 2011 पर्यंत कनिष्ठ अभियंता म्हणून नोकरी केली. 2011 पासून ते रयत शिक्षण संस्थेत नोकरी करीत आहेत. 2019 पर्यंत ते संस्थेच्या ऐतवडे बु. माध्यमिक विद्यालयात काम करीत होते. नेवासा तालुक्यातील तेलकुडगाव येथील मूळ रहिवाशी असलेले डॉ. शिवाजी काळे यांनी बोरावके कॉलेजमध्ये शिक्षण घेतले. मराठीत बी. ए. एम.ए.एम. फिल. पीएच. डी. नेट, सेट असे उच्च शिक्षण प्राप्त केले.

त्यांना पुरस्कार घोषित झाल्याबद्दल माजी प्राचार्य टी.ई.शेळके, विश्वलक्ष्मी ग्रामीण प्रतिष्ठानचे संस्थापक सचिव सुखदेव सुकळे, वाचन संस्कृती प्रतिष्ठानचे संस्थापक अध्यक्ष डॉ. बाबुराव उपाध्ये, महाराष्ट्र संपादक परिषदेचे कार्याध्यक्ष पत्रकार प्रकाश कुलथे, साहित्य प्रबोधन मंचचे कार्याध्यक्ष स्वामीराज कुलथे, संमोहनतज्ञ’ पोरका बाबू ‘कार डॉ. रामकृष्ण जगताप, साहित्य परिवार टाकळीभानचे कवी प्रा. पोपटराव पटारे, वाचन संस्कृती प्रतिष्ठानच्या उपाध्यक्ष संगीता फासाटे आदी साहित्यकांनी सन्मान करून अभिनंदन केले.