माणसाला माणुसपण देण्याचे काम साहित्य करते- प्राचार्य देवढे; ‘शब्दगंध’ ची शेवंगाव बैठक संपन्न

शब्दगंध साहित्यिक परिषदेच्या शेवंगाव तालुका शाखा स्थापनेच्या बैठकीत ते बोलत होते. यावेळी महात्मा सार्वजनिक वाचनालयात झालेल्या बैठकीच्या अध्यक्षस्थानी जेष्ठ साहित्यिक विठ्ठल सोनवणे हे होते. तर जेष्ठ रंगकर्मी सुभाष जाधव, बापूसाहेब गवळी, राजेंद्र झरेकर, नाट्य परिषदेचे शाखा अध्यक्ष उमेश घेवरीकर, संस्थापक सुनील गोसावी, खजिनदार भगवान राऊत इ मान्यवर उपस्थित होते.

पुढे बोलताना प्राचार्य देवढे म्हणाले कि,’कोणत्याही चळवळीत काम करतांना सातत्य ठेवले तर यश हमखास येते, प्रामाणिक प्रयत्न असतील तर लोक सोबत येतात.’ यावेळी सुभाष जाधव, विजय हुसळे, विद्या भडके, सुरेश शेरे, उमेश घेवरीकर, बापूसाहेब गवळी यांनी शेवंगाव मध्ये साहित्यिक चळवळ वाढण्यासाठी शब्दगंध शाखेच्या माध्यमातून प्रयत्न करण्यात येतील असे मत व्यक्त केले. बैठकीच्या सुरुवातीला शाहिर भारत गाडेकर यांनी गीत सादर करून चैतन्य आणले. प्रा.डॉ.अशोक कानडे यांनी प्रास्ताविक केले. भगवान राऊत यांनी सूत्रसंचालन केले तर शेवटी हरिभाऊ नजन यांनी आभार मानले.

यावेळी पार्वतीबाई गोसावी सार्व. वाचनालय, वरूर, महात्मा सार्व. वाचनालय, शेवंगाव, भारदे हायस्कूल ग्रंथालय व अमरापूर येथील ग्रंथालयास प्रत्येकी २०००/- रु ची पुस्तकं शब्दगंध प्रकाशनच्या वतीने भेट देण्यात आली. बैठकीस शिवशाहीर कल्याण काळे, हमीद सय्यद, विश्वास गाढे, रितेश गेरी, कल्याण भागवत यांच्यासह अनेक मान्यवर उपस्थित होते.