सुरत- हैदराबाद महामार्ग; जमिनीच्या मोबदल्यात बदल नाही : राज्यमंत्री तनपुरे

राहुरी- नगर- पाथर्डी या विधानसभा मतदार संघातील शेतकऱ्यांच्या मोठ्या प्रमाणात शेत जमिनी संपादित होत असल्याने शेतकऱ्यांमध्ये भीतीचे वातावरण निर्माण झाले. या रस्त्यासाठी नवीन शासन निर्णय लागू होणार नसल्याचे स्पष्ट झाल्याने मोबदलाही कमी मिळणार नाही असे मंत्री तनपुरे यांनी सांगितले. शेतकऱ्यांचे कोणत्याही प्रकारचे नुकसान होऊ नये म्हणून मी स्वतः अधिकचे लक्ष घातलेले आहे. याबाबत शेतकऱ्यांना मार्गदर्शन करण्याचीही आपली तयारी आहे. शेत जमिनीचा भाव कमी मिळेल अशी भीती आता कोणीही बाळगू नये व चिंता करू नये असे मंत्री तनपुरे यांनी नमूद केले.

केंद्र शासनाच्या नियमानुसार संपादित होणाऱ्या शेत जमिनी, घरे, विहीर, फळबागा, जनावरांचे गोठे यासाठी वेगवेगळे दर आहेत. या शेतकऱ्यांचा समावेश ज्या भागात असेल तशी वर्गवारी करून मोबदला मिळणार असल्याचे त्यांनी सांगितले.