राहुरी शहरात भर लोकवस्तीत उदमांजराची दहशत, सर्पमित्र पोपळघट व वनविभागाने पकडून निसर्गात केले मुक्त

कृष्णा पोपळघट यांनी स्वतः जाऊन बघितले असता ते उदमांजर असल्याचे नागरिकांना सांगितले. उदमांजर हा संरक्षित वन्यजीव असल्याने पोपळघट यांनी राहुरीचे वनपरीक्षेत्र अधिकारी युवराज पाचरणे यांना घटनेची माहिती दिली. पाचरणे यांनी ताबडतोब वन कर्मचारी ताराचंद गायकवाड यांना देखील घटनास्थळी पाठवले. काही वेळातच सर्पमित्र कृष्णा पोपळघट, ताराचंद गायकवाड व तौफिक शेख यांनी सदर उदमांजरास पकडले व निसर्गात मुक्त केले.

उदमांजर हा मांसाहारी प्राणी असून अतिशय रागीट व हल्लेखोर स्वभावाचा असतो. त्याच्या हल्ल्यामध्ये मोठ्या प्रमाणात जखमी होण्याची शक्यता असते. तसेच राहुरी तालुक्यात कोठेही व कोणताही वन्यजीव मानवी वस्तीमध्ये आल्यास त्याला कोणतीही दुखापत न करता नागरिकांनी वनविभागाशी संपर्क करावा असे आवाहन कृष्णा पोपळघट यांनी केले. सदर घटनेच्या वेळी तेथे संतोष वरशिंदकर, सुजित पवार, अक्षय परदेशी आदी उपस्थित होते.