नगर- मनमाड महामार्गाच्या दुरावस्थेचे आज तीन बळी; ५ वर्षाच्या चिमुकल्याचा समावेश

अपघाताविषयी समजलेल्या माहितीनुसार मंगळवारी दुपारच्या वेळी दुचाकीवरून शिर्डीकडून अहमदनगरकडे जाताना राहुरी सूतगिरणी परिसरात एकेरी केलेल्या मार्गावरून जात असताना समोर आलेला खड्डा चुकविण्याच्या प्रयत्नात दुचाकी व समोरून आलेल्या ट्रकचा समोरासमोर अपघात झाला. या  अपघातात दुचाकी चालवत असलेला शुभम प्रकाश ठोकळ वय २५, प्रकाश मोहन ठोकळ वय ७१ या बापलेकांसह नातू  सायरस प्रविण जाधव वय ५ वर्षे यांचा दुर्दैवी मृत्यू झाला.

लष्करी सेवेतून निवृत्त झालेले प्रकाश ठोकळ आपल्या मुलीला भेटण्यासाठी शिर्डी येथे गेले होते. परततांना मुलीचा सायरस नावाचा चिमुरडा नातु आजीला भेटण्यासाठी आग्रह धरत असल्याने बरोबर घेतला होता. रस्त्याचचं हा भीषण अपघात घडला.

आज राहुरीचे आमदार प्राजक्त तनपुरे यांनी गायरान जमीन अतिक्रमण प्रश्नी तहसीलदार कार्यालयावर मोर्चा आयोजित केला होता सदरच्या मोर्चावरून परतताना पत्रकारांनी अपघातग्रस्तांना मदत केली. राहुरी पोलिसांनी अपघाताची नोंद केली आहे.