सात्रळ महाविद्यालयात श्रीमती सिंधुताई विखे पा. यांची पुण्यतिथी साजरी

       प्रा. नंदकिशोर भंडारी म्हणाले, श्रीमती सिंधुताई महाविद्यालयात आल्यानंतर कमवा आणि शिका योजनेतील विद्यार्थ्यांची आई म्हणून चौकशी करत. विद्यार्थी – विद्यार्थिनींच्या शिक्षणाकडे त्यांचे लक्ष असायचे. महिलांच्या उन्नतीसाठी त्यांनी अविरत प्रयत्न केले. त्या सर्वांशी प्रेमाने वागत. शिक्षणाचा उपयोग समाजातील तळागाळातील लोकांना पुढे नेण्यासाठी व्हावा असं त्यांचं नेहमी प्रांजळ मत असायचं. अध्यक्षीय भाषणात महाविद्यालयाचे प्रभारी प्राचार्य डाॅ. सोमनाथ घोलप म्हणाले,श्रीमती सिंधुताई यांनी १९८८ मध्ये प्रियदर्शनी ग्रामीण महिला मंडळाची स्थापना केली होती. या माध्यमातून ग्रामीण भागात महिलांच्या उत्कर्षासाठी उल्लेखनीय असे कार्य करून त्यांनी महिलांना प्रगतीच्या संधी उपलब्ध केल्या. त्यांनी या महिला मंडळासह प्रियदर्शनी सार्वजनिक ग्रंथालय आणि वाचनालय, ग्रामीण महिलांसाठी बिगरशेती सहकारी पंतसंस्था सुरू केली. सिंधुताई यांनी महिलांसाठी पहिली सहकारी पतसंस्था सुरू केली होती. प्रियदर्शनी या संस्थेच्या माध्यमातून महिलांसाच्या शिक्षणासाठी त्यांनी पुणतांबा इथं कला, वाणिज्य आणि विज्ञान महाविद्यालयं सुरू केली. महिला जनजागृतीसाठी त्यांनी अनेक कार्यक्रम देखील केले. लोणी इथं प्रियदर्शनी ग्रामीण अध्यापक महाविद्यालयाची स्थापना केली. त्यामुळे ग्रामीण भागातल्या मुलींच्या शिक्षणासाठी मोठ्या दिशा मिळाली. सिंधुताई यांना महाराष्ट्र शासनाच्या पुण्यश्लोक अहिल्यादेवी होळकर पुरस्कारानं तसंच मातोश्री रमाबाई आंबडेकर आदर्श महिला पुरस्कार, क्रांतिज्योती सावित्रीबाई फुले पुरस्कार, पुणे विद्यापीठाचा जीवनगौरव पुरस्कारानं सन्मानित करण्यात आलं होतं. कार्यक्रमाचे प्रास्ताविक प्रा. डॉ. नवनाथ शिंदे यांनी केले. आभार प्रो. डॉ. शिवाजी पंडित यांनी मानले.