महात्मा फुले कृषि विद्यापीठाच्या को ८६०३२ ऊस वाणाची यशोगाथा
राहुरी : महात्मा फुले कृषि विद्यापीठातील मध्यवर्ती ऊस संशोधन केंद्र, पाडेगाव या संशोधन केंद्राने सन १९९६ साली उसाची को ८६०३२ ही जात महाराष्ट्रामध्ये तिन्ही हंगामासाठी लागवडीकरिता शिफारस केलेली आहे. या ऊसाच्या वाणास या वर्षी २५ वर्षे पूर्ण झालेले आहे. या सुवर्ण महोत्सवी वर्षात दुग्धशर्करायोग्य म्हणून मौजे चोराडी, ता. खटाव, जि. सातारा येथील बापू आण्णा पिसाळ या शेतकर्याने विद्यापीठाने प्रसारित केलेल्या ऊस वाण को ८६०३२ लागवडीमधून त्यांची आर्थिक परिस्थिती उत्तम झाली असल्याने आलेल्या उत्पन्नातून ११०० चौरस फुट बंगला बांधलेला आहे. या ऊस वाण लागवडीमुळे उत्तम प्रपंच करूनही त्यांची आर्थिक दरी उंचावल्याने त्यांनी या नवीन बंगल्याला ८६०३२ ची कृपा हे नाव देऊन बंगल्यावर या ऊस वाणाचे पेटिंग केलेले आहे. सदर वाण हे पाडेगाव संशोधन केंद्राने शिफारस केल्यामुळे महात्मा फुले कृषि विद्यापीठ, राहुरी व ऊस संशोधन केंद्रातील शात्रज्ञांना त्यांचा अभिमान आहे.
