राहुरी तालुका जेष्ठ नागरीक संघ आयोजित 85 वे मोफत नेञ रोगनिदान शिबिर संपन्न

अहमदनगर/ जावेद शेख : राहुरी तालुका ज्येष्ठ नागरिक संघटना व के के आय बुधरानी हॉस्पिटल पुणे यांच्या संयुक्त विद्यमाने व स्व.विठ्ठल झिपरु सूर्यवंशी व स्व. तुळसाबाई विठ्ठल सूर्यवंशी यांचे स्मरणार्थ से.नि.माध्य. मुख्याध्यापक जगन्नाथ वि.सूर्यवंशी व गिरीष जगन्नाथ सूर्यवंशी यांचे सौजन्याने 85 मोफत नेत्ररोग निदान शिबिर राहुरी नगरपालिकेच्या गोकुळ कॉलनी येथिल योगा हॉल, श्री.गाडगे महाराज जेष्ठ नागरीक संघ मध्ये संपन्न झाले.

शिबीराचे उद्घाटन जेष्ठ पत्रकार राजेंद्र वाडेकर यांचे हस्ते संपन्न झाले. शिबिराच्या अध्यक्षस्थानी सावित्रीबाई फुले विद्यालयाचे माजी प्राचार्य सुभाष महाजन होते. या शिबिरात मोठ्या प्रमाणावर रुग्णांनी मोफत तपासणीचा लाभ घेतला. जेष्ठ नागरीक संघाने आतापर्यत आयोजित शिबीरामध्ये रुग्णांची तपासणी होऊन बुधराणी हॉस्पिटल पुणे येथे ५२५० मोतीबिंदु शस्त्रक्रिया पुर्ण केल्या आहेत, श्री.महाजन सर अध्यक्षपदावरुन बोलतांना म्हणाले की, जेष्ठ नागरीक संघाने सुरु केलेला हा स्तुत्य उपक्रम असुन गोर गरीबांना नविन दृष्टी प्राप्त करुन देणारा आहे. खाजगी महागडी शस्त्रक्रिया करणे सर्वसामान्यांना शक्य नसल्याने जास्तीत जास्त रुग्णांनी याचा लाभ घ्यावा असे आवाहन केले व तपासणीसाठी उपस्थित रुग्णांना शुभेच्छा दिल्या.

याप्रसंगी राजेंद्र वाडेकर, वसंतराव झावरे, सोलट सर, मंगेश पगारे, रामदास बोरुडे, डॉ.मनिषा कोरडे, ह.भ.प.श्रीमती ढसाळ महाराज, म्हैसगांवचे सरपंच मुसळे यांनी उपस्थितांना मार्गदर्शन केले. श्री. सूर्यवंशी सर यांनी जेष्ठ नागरीक संघाने शिबीर भरवण्याची संधी दिल्याबद्दल तसेच उपस्थितांचे आभार व्यक्त केले. राधाजी गायकवाड यांनी आपली शेतक-यांच्या समस्यांवर आधारीत स्वरचित कविता सादर केली.

कार्यक्रमाचे सूत्रसंचलन सदाशिव पवार यांनी तर प्रास्ताविक शिवाजी कोहकडे यांनी केले. उपस्थितांचे आभार सूर्यभान कदम यांनी मानले. यावेळी तपासणीसाठी उपस्थित सर्वांना केळींचे वाटप करण्यात आले. कार्यक्रम यशस्वी करण्यासाठी जेष्ठ नागरीक संघाचे अध्यक्ष यशवंतराव डावखर, रा.न.प.चे मा.नगराध्यक्ष अशोकराव आहेर, बळीराम खैरनार, वसंतराव झावरे, सौ.केशरबाई राजदेव, गिरीष सूर्यवंशी व अनेक मान्यवर तसेच संघाचे जेष्ठ सहकारी यांनी उपस्थित राहुन प्रयत्न केले.