शेततळ्यात बुडून लहान तीन मुलांचा दुर्दैवी मृत्यू

या बाबत समजलेली माहीती अशी की, चैतन्य अनिल माळी वय १२ वर्ष, दत्ता अनिल माळी वय ८ वर्ष, चैतन्य शाम बर्डे वय ४ वर्ष ही तीन लहान मुले खेळता खेळता कान्हेगाव येथील शेतकऱ्यांच्या शेत तळ्याजवळ गेली.

पावसाचे पाणी या तळ्यात साचलेले होते. त्यामुळे पाण्याचा अंदाज त्यांना आला नाही व हे तिनही मुले पाण्यात बुडून मयत झाले. ही घटना परिसरात पसरताच ग्रामस्थ गोळा झाले. तिनही मुलांचे शव बाहेर काढुन शवविच्छेदनासाठी श्रीरामपुर येथे पाठविण्यात आले आहे.